30 шілде күні Kasipker қауымдастығы «Байтақ» жасыл партиясының өкілдерімен бірге тарихы терең «Киногерлер» одағының жұмысымен танысып қайтты.
Кездесудің басты мақсаты — алдағы серіктестік пен ұлттық идеологияны нығайту бағытындағы бірлескен жұмыстарды талқылау болды. «Байтақ» партиясы арқылы парламентте кино саласына қатысты ұсыныстар енгізу, сондай-ақ осы салаға қатысты жаңа заң қабылдау мәселесі көтерілді.
Қазіргі таңда «Киногерлер» үйі жеке меншік инвесторлардың қолдауымен жөндеуден өтіп жатыр. Кездесу дәл осы ремонт барысында өтіп, біз ұйымның қазіргі жай-күйіне куә болдық.
Kasipker қауымдастығы кино саласын коммерцияландыру бағытында қолдау көрсетуге дайын екенін жеткізді. Алғашқы қадам ретінде — Шәкен Айманов атамыз негізін қалаған, тарихы терең «Киногерлер» қауымдастығына толыққанды сайт әзірлеп беруден бастаймыз.
Алдағы аптада тараптар Kasipker альянсының офисінде кездесіп, серіктестік меморандумға қол қойылатын болады.
Біздің басты мақсатымыз — ұлттық идеологияның тұтқасы болуға тиісті қауымдастықтар мен тұлғалардың жұмысына қолдау көрсету.



